Caş tatarlarga

LOADING...
█████████████]99%
██████████████ 100% ┘̿ ̿|̿ ̿└ |̶̿ ̶̿ ̶̿ ̶̿|┘̿ ̿|̿ ̿└ |̶̿ ̶̿ ̶̿ ̶̿||̿ ̿ ̿
...LOADING...
██████████████ 100‰ ☪


CAŞ TATARLARĜA
Amdi Giraybay

Ey, qorlanĝan, qullıq etken cĭgĭtler, caş Tatarlar!

Otqa, suwĝa, qanĝa qarşı qayaday taş Tatarlar!

Bo pırsatta bĭzler kene parmaq tĭşlep qalmayıq,

Qalq sarı may uleşken son, bĭzler tarta almayıq.

Bĭz zamannı anlamasaq, zaman bĭznĭ anlamaz,

Kül töbede aytışsaqta bĭznĭ kĭmse tınlamaz.

Kül töbeday kül bolır da, kökke uşıp ketermĭz,

İş keşken son: "Vay, şay eken" der de, peşman etermĭz.

Romanovlar, Nikolaylar bĭznĭ coymaq ĭstedĭ,

Awız aşıp bĭr söz aytsaq, ot saştı "sus", dedĭ.

Tatar kene türlenmedĭ, aldanmadı, pĭtmedĭ,

Bĭznĭ coymaq ĭstegenler maqsadına cetmedĭ.

Bo topraq top parşalansa, yernĭ cuwsa deryalar,

Pıtın dunya otqa cansa, öksĭz qalsa keryalar,

Bezler kene Tatar bolıp, Tatar tușlı catarmız,

Tarıqlarnı aqtardıqmı – bo sözlerge qanarmız.

Qoşılsaq ta, şalışsaq ta, bĭr ĭşke baş bolsaq ta,

Catlar kĭrgen qapılarĝa bĭz de kĭrĭp tolsaq ta,

Kene ışşı, calpaq taban, qara Tatar, Tatarmız,

Bĭlmiymen men, ne künkeșe bĭzler cantıq satarmız.

Ay suw carıq, col taqtaday, tum-tız bolıp turĝanda,

Qalq cıyılıp, sır sırdaşıp, yaсı yaşaw qurĝanda,

Neşĭn bĭzler anda-mında qorqa-pısa cüremĭz,

Şalışqanĝa mısqıl ete, ya da dudaq buramız.

Qalq toy ete, bĭz sarĝîşmız, yuqlamaĝa dalĝanmız,

Suw sıyırnın qaymaĝınday uyuşqan da qalĝanmız.

Közĭmĭznĭ caltıratıp, qaltıray da turamız,

"Kel, arqadaş, kel!" – deseler, bĭzler şette turamız.

Arqadaşlar! Eger bĭzler şo qusurnı körmesek,

Qalqımız uşın şalışmasaq, can talaşıp cürmesek,–

Bĭzler, soysız, bızıq qanlı, atsız, cayaw Tatarmız,

Şıĝalmasmız bastırıqtan, bĭz ebediy catarmız.

Qattı quşlı caş Tatarlar, cıyılınız, aydınız,

Demesĭnler catlar bĭzge: "Cıĝıldınız, taydınız".

Qoşıldıqmı – aсlaşırmız, şalışırmız, şalışır...

Şayte-şayte bo ĭşlerge alışırmız, alışır.

Yükselteyik bo caşlıqnı – awelensĭn, aylansın,

Pıtın TATAR, caşı-qartı bĭr qazıqqa baylansın.

"Ay, TATARLAR! Sĭz dunyanı cutacaqsız", desĭnler,

Bĭzler kene baqırayıq: "AQQIMIZNI BERSĬNLER!"