⇒⇐ MEN TATARMAN TATARMAN, DUNYAG'A QOL ATARMAN, YAMANLÎQTAN QAȘARMAN, YAQȘÎLÎQMAN YAȘARMAN, QAYDA BARSAM AYTARMAN, MEN TATARMAN TATARMAN!⇐⇐********* Qoș keldînîz saypamîzg'a! Qapîmîz așîq torîmîz boș!

Qart babay - Mehmet Ali Ekrem

Distribuie

Qart babay
Mehmet Ali Ekrem

Qart babay, qart babay,
Bízge bír cır ayt babay.
Başıñdan keşkenlerní
Bízlerge anlat babay!

Aytayım, aytayım,
Sözní sözge qatayım.
Başıma kelgenlerní
Sízlerge añlatayım:

Kün qavuşup augan sun,
Cengem sıyır savgan sun,
Anam laqşa keskende,
Aqşam celı eskende,
Şarıq kíyíp qaytqanım,
Colda türkü aytqanım
Tíştiy tüşe esíme.



Gül tagıp dal fesíme,
Şeşekten taç örgením,
Çölde cılan körgením,
Köz aldımdan ketmiycek,
Mení rahat etmiycek ...

Babam arpa şalganda,
Aqam şeren salganda,
Men bödene tutqanım,
Cımırtasın sıtqanım ...

Aqşam üstü qararıp,
Bostan betke col alıp,
Qart babama barganım,
Keşe qonıp qaytqanım ...

Gül terekler solganda,
Cer ap aq qar bolganda,
Tavuqqa cem sepkením,
Capta şana tepkením,
Unutmayman bugín de,
Tura közím önünde ...

Bíraz ösíp cetkende,
Aqam asker ketkende,
Bayga ırgat cürgením,
Kuzde saban surgenım ...

Quşlukta atqa atlap,
Qamşını ekí qatlap,
Çorbacının kelgenín,
Maga emír bergenín,
Bugünkínday bílemen,
Mañnay terím sílemen ...

Toygandan son şorbaga,
Otmek salıp torbaga,
Şal maliyní cetkením,
At baqmaga ketkením,
Bugün tüşe esíme,
Kuvvet bere sesíme ...

Baharda car şetínde,
Köynín qıbla betínde,
Kozılı koy baqqanım,
Ulaqqa şan taqqanım ...

Em qoylarnı caydırıp,
Qart şobanga saydırıp,
Köyge alıp qaytqanım,
Dertlí cırlar aytqanım,
Hayalımda yaşaycak,
Mení qurttay aşaycak ...

Ösíp cígít bolgan soñ,
Bayda senem tolgan soñ,
Toyda cüyrük şapqanda,
Atlas cabuv capqanda,
Dört örmenı sozganım,
Cüyrüklerní ozganım
Şalgıcılarnı şaqırıp,
“Şalınız” dep baqırıp,
Atım tıñlap turganı,

Qalbím turmay urganı,
Qalk cıyılıp qatıma,
“Maşşalla” dep atıma
Aytqanların bílemen
Köz yaşımnı sílemen ...

Tepreş künü atlanıp,
Atqa catıp qatlanıp,
Cavlıq oynap alganım,
Küreşke de qalganım,
Şaltayaqqa alganda,
Men ırgaşıq salganda,
Bellerínden sıqqanım,
Aqranlarım cıqqanım,
Cañı cetken caşlarga,
Işlenmegen başlarga,
Qayta qayta aytaman,
Cırlap üyge qaytaman ...

Geştí endí bízlerden.
Ey ballarım, sízlerden
Ümütümüz üzülmiy.
Síz de, bízdiy süzülmiy,
Cígít cígít bolıñız,
Aşıq bolsın colınız ...

Bo yerlerde yaşaymız,
Tuz ötmegín aşaymız,
Toralsañız qaytmañız,
Cavga sırnı aytmañız,
“Bulaydır bo” deseler,
Curtqa basqın berseler,
Kerekse qan qatıñız,
Ölíp raat catıñız!

Bülbül Sesi, Mehmet Ali Ekrem, editura Kriterion, Bucuresti, 1981

4 comentarii:

Anonim spunea...

Selam alekim

De ce nu pot copia acest poem ? Mi se pare o pierdere enorma, vroiam sa o export pe facebook pee grupul de tatari...

Kadir.

Tatarman spunea...

Ai butonul de share (sharethis)in josul postarii, sub "you might also like".

Tatarman spunea...

Am mai pus un buton dedicat pentru facebook, mai vizibil.

tatarman spunea...

Revin cu o lamurire in privinta faptului ca articolele nu merg copiate...Acest lucru se intampla cu scopul ca cei ce vor sa copieze articolele in lb. tatara sa puna mana sa o faca scriind la tasta tot articolul, in felul acesta ramanandu-le cate ceva si in cap. Multi nici macar nu citesc tot, li se pare doar interesant si gandul le este doar la copy/paste.
Dar se poate copia chiar si asa, nu trebuie sa fi nici hacker, nici şmecher...aviz amatorilor :D

Trimiteți un comentariu

COMENTARIILE SUNT SUPUSE MODERARII INAINTE DE PUBLICARE!
COMENTARIILE "ANONIM" NU VOR FI PUBLICATE!